Танхимууд

ЗАРЛАЛ

Хэвлэх PDF

32266501 1695752950521535_8504221123674636288_n

Хятад хэлний анхан шатны мэдлэгийг энгийн чөлөөт хэлбэрээр заах манай сургалтанд сурагч, оюутан та бүхэн хамрагдах боломжтой. Хичээл үнэ төлбөргүй. 7 хоног бүрийн хагас сайн өдөр зохион явуулна.

  

Хаана: Хүүхдийн төв номын сан, 
            Дорно дахины танхимд

Хэзээ: 14.00 цагm                                         

Холбогдох утас: 99143865

 

“Зохиолчийн цаг”

Хэвлэх PDF

Untitled

Цэндийн Дамдинсүрэн
(1908-1986)

 

 

Их эрдэмтэн, нэрт зохиолчийн мэндэлсний 110 жилийн ойд

  

 

 

 

Энэ онд их эрдэмтэн зохиолч Ц. Дамдинсүрэнгийн мэндэлсний 110 жилийн ой тохиож байгаа билээ.
Ц.Дамдинсүрэн нь 1908 онд Дорнод аймгийн Матад суманд жирийн малчны гэрт төржээ.
НЭГ. Ц. Дамдинсүрэн бол нэрт зохиолч юм.
Монголын шинэ үеийн уран зохиолыг үндэслэгчдийн нэг Цэндийн Дамдинсүрэн “Гологдсон хүүхэн”, “Багш шавь хоёр”, “Хоёр цагаан юм”, “Хоёулаа миний хүү”, “Хоцрогдсон эмгэнийг сурвалжилсан тэмдэглэл”, “Чемодантай юм”,”Бух Гомбо”, “Солийг сольсон нь” зэрэг үргэлжилсэн үгийн зохиол, “Монгол улсын төрийн дуулал”, “Зугаацахаар мордсон нь”, “Хоёр настай Ро”, “Буурал ээж минь”,”Монгол нутаг” зэрэг олон сайхан бүтээлээрээ Монголын шинэ үеийн уран зохиолын урын санг баяжуулаад зогсохгүй мөнхийн сайхан бүтээлээрээ үе үеийн хүүхэд багачуудын оюуныг тэтгэж, хайрыг булаасан алдар гавьяатай бичгийн х хүн, нэрт зохиолч юм. Ийм учраас Монгол улсын төрийн шагналыг гурван удаа хүртэж”Ардын уран зохиол” гэдэг эрхэм цолыг анх удаа хүртсэн эрхэм хүн билээ. Юм.
ХОЁР. Ц. Дамдинсүрэн бол нэрт эрдэмтэн
Ц. Дамдинсүрэн гуай амьдралынхаа ихэнх хэсгийг эрдэм судлалын ажилд зориулжээ. Ялангуяа Монголын эртний уран зохиолыг судалж дэлгэрүүлэхэд үнэлж баршгүй хувь нэмрээ оруулсан юм. Монголын нууц товчоог судалж, эртний монгол хэлнээс орчин цагийн монгол хэлэнд буулгасан нь өнөөгийн бидний ширээний ном болсон юм. Монголын эртний уран зохиолын 3 боть, “Монгол Орос толь”, “Гэсэр” туужийн судалгаа, өнөөгийн бидний бичиж байгаа кирилл үсгийн цагаан толгой, түүний зөв бичих дүрэм гээд энэ хүний эрдэм судлалын нөр их хөдөлмөрийг үгээр хэлэхийн аргагүй. Ц. Дамдинсүрэн бол Монголын шинжлэх ухааны хөгжилд хосгүй гавьяатай аугаа их эрдэмтэн хүн юм.
ГУРАВ. Ц. Дамдинсүрэн бол нэрт орчуулагч юм.
Монголын уншигчдыг дэлхийн утга зохиолтой танилцуулахад үнэхээр их гавъяа байгуулсан хүн юм. Тэр А.С. Пушкины “Алтан загасны үлгэр”, “Үүл”, Өвлийн өвгөн”, “Өнхрүүшхэн” зэрэг шилдэг бүтээлээс гадна Лермонтов, Шиллер, Ян Неруда зэрэг дэлхийн уран үгийн дархчуудын гайхамшигтай бүтээлүүдийг Монголынхоо уншигчиддаа танилцуулсан авьяаслаг нэрт орчуулагч хүн юм.
Эрхэм уншигч та бүхэндээ их зохиолчийн алдарт “ГОЛОГДСОН ХҮҮХЭН” туужийн хамгийн сонирхолтой хэсэг буюу туужийн тайлал болох төгсгөлийн “Баярт учрал” хэсгээс толилуулж байна.
... Цэрэн хүүхэн мөн энэ оны намар хөдөө албаар явах болж баярлан мордож баруун зүг явахад долоо найм хоноод салбар өртөөгөөр дамжин явж, нэг хошууны тамгын газар хүрлээ. Залуучуудын үүрийн хурал ба энгийн ардын хурал зэргийг зарлаж, заавар бүхий ажлуудыг гүйцэтгэх зуураа, Долингар эцэгтэйгээ тэнд учирсан ажээ. Долингар Цэрэн хоёр бие биеэ танихгүй бөгөөд Цэрэн миний эцэг урьд Хүрээнд үхсэн гэж санана.
Долингар бяцхан охин гэргийгээ тэр зүүн аймагт эрээд эс олсон тул энд учирна гэж огт санах аргагүй. Эцэг хүүхэн хоёр нүүр учирсан болов ч бие биеэ таниагүй билээ. Тэр өдөр Цэрэн буцахыг завдсан боловч ямар нэгэн хэрэг эс бүтсэн учир даиннэг өнжих болов.
Тусгаар гэрт сууж байсан тул, хуучин галчид шалтаг тохиолдсон учир оронд нэг хүн суулгахад Долингар өвгөн, хүүхний хоол цайг бэлтгэн суух зуураа хэрэгтэй хэрэггүй юмыг ярьсаар, өөрийн явдлыг ярьж, муу өвгөн чинь зовлон үзсэн толгойдоо гэж зовж зүдэрч явсныгаа тоочин ярихад Цэрэн хүүхэн санаа авч, эцгийн явдлыг урьд эхээсээ сонссонтой зарим үг яв цав нийлж, өвгөний хуучин хошуу хүртэл тохирохоор харилцан идэвхлэн асуулцсаар хүүхэн урьдаар эцгээ таньж, Долингар дараагаар хүүхнээ таньж миний хүүхэн гэж хашхиран хүзүүдэн авлаа. Төв газраас томилогдон яваа залуу хүүхнийг хөдсөн дээлтэй ядуу өвгөн тэврээд, учир зүггүй үүсэхэд ойрын хүмүүс цуглаж, мунасан өвгөн мунхаглаж, тэнэсэн өвгөн тэнэглэж, албаны хүнийг самардлаа гэж ая зүйг олж салгахыг оролдов.
50-иад нас хүртэл, насан туршаар зовсон Долингарын хоёрдугаар баяр нь энэ билээ. Долингар Мядагийг мэнд сууж байгаа гэхийг сонсож, эдүгээ хүүхэнтэйгээ уулзсанаар үл барам Мядагтай бас уулзаж болно гэж санаж, бөгс өндөлзөх болов ч, яахин явж хүрэхийг мэдэхгүй явган явахаас өөр аргагүй болов уу гэхэд Цэрэн хамт явъя гэж зөвшөөрөлцөж, маргааш явах болоод Долингар гэртээ харьж Батын эцэг хэдийн үхсэн тул түүний эмгэн Бат хоёрт учир явдлаа сайхан хэлэхэд, тэр хоёрын сэтгэл бас хөдөлж, гурвуулаа тарган мах чанаж, сайхан цай уугаад бие биедээ салах ёс хийж дараа баяртай учрахын ерөөлийг тавьж салаад, Долингар явж тамгын газар ирээд унтах гэтэл ер нойр хүрэхгүй тул шөнө их урт мэт санагдаж, тийчэгнэн хэвтэж тэсэлгүй баярлах тул заримдаа инээд нь хүрэх мэт болов санаа алдаж, нүднээс нь нулимс дусална. Хүүхэн залуу хүн тул сэрэхгүй унтахад, өвгөн хүүхнээс асуумаар, хэлмээр олон зүйл бодогдож, үнэхээр өглөө болохыг маш их хүсэн хүлээж энэ баярлаж байгаа нэг шөнө нь зовж өнгөрүүлсэн тавин жилээс урт мэт санагдана.

 

Монгол бахархал – Цагаан сар тэмцээний удирдамж

Хэвлэх PDF

Зорилго:Монголчуудын дэлхийд гайхуулах нэгэн гайхамшиг бол уртын дуу, ерөөл, магтаал, үндэсний хувцас, идээ будаа, мэндлэх, хүндлэх ёсоороо цогцлоон гайхуулсан ЦАГААН САР хэмээх үндэсний баяр юм.  Хүүхдийн Төв Номын Сан, Монголын Сурагчдын Холбооноос санаачлан 2010 оноос эхлэн  хойч үе болох сурагчиддаа ёс заншил, соёл.түүх,уламжлалаа өсвөр болон залуу үедээ  өвлүүлэх, Монгол цагаан сарын мэндлэх хүндлэх ёсыг сурч эзэмших хүсэл эрмэлэзлэлийг дэмжих өргөн дэлгэр тэмдэглэх ач тусыг таниулахад оршино.“Монгол бахархал – Цагаан сар” тэмцээнийг 8 дахь жилдээ  зохион  байгуулж ирсэн. Энэ жил улам өргөн хүрээнд шинэчилсэн байдлаар 2018 оны 2-р сарын 9-нд зохион байгуулахаар  боллоо.

Хамрах хүрээ: Нийслэлийн ЕБС-н сурагчид. Сургууль тус бүрээс дунд анги-1 баг  /6-8/, ахлах анги-1 баг  /9-12/

Тэмцээний үе шат:

-          Багуудын мэндчилгээ 2-3 минут

-          Багуудын дунд асуулт хариулт 1 минут

-          Багууд дундах шүүгчдийн асуулт хариулт 1 минут

-          Багууд дундах даалгавар 3 минут

/язгуур урлаг- хөөмий, морин хуур, уртын дуу, бие биелэгээ гэх мэт/

-          Багийн ахлагч нарын дундах тэмцээн 1 минут

-          Хэн сайн ерөөл магтаал хэлэх вэ? тэмцээн 1 минут

Техникийн зөвлөгөөн: 2018 оны 2-р сарын 8-нд 14 цагт Хүүхдийн төв номын сангийн "Боловсрол хөгжил" танхимд

Багуудад тавигдах шаардлага:

-          Багууд зөвлөгөөнд ирж мэдээлэлтэй танилцах

-          Нэг баг 5 гишүүнтэй байх

-          Багууд тэмцээнд оролцохдоо өөрсдийн гэсэн нэр болон таних тэмдгээр жигдрэх

-          Багууд мэндчилгээ гаргах /цагаан сарын баяртай холбоотой дуу, бүжиг, жүжиг, ерөөл, магтаал/

-          Багууд монгол үндэсний хувцас өмсөх

-          Багууд тус тусын бэлтгэл ёс зүйг баримтлан тэмцээнд оролцох

Тус  тэмцээнийг цагаан сараар 1 өдрийн нэвтрүүлэг бэлтгэж эфирээр цацна.

Шагнал:

Тэргүүн байр: Өргөмжлөл, мөнгөн шагнал, ном эрхийн бичиг

Дэд тэргүүн байр: Өргөмжлөл, мөнгөн шагнал, ном эрхийн бичиг

Гутгаар байр: Өргөмжлөл, мөнгөн шагнал, ном эрхийн бичиг

Бүртгэл: 2018 оны 2 сарын 17 ны  хооронд   Монголын Сурагчдын Холбооны төв байранд /Монголын Залуучуудын Холбооны 104 тоот/

Мандат: Багийн 5000 төгрөг

Дэлгэрэнгүй мэдээллийг: Хүүхдийн Төв Номын Сан, Монголын Сурагчдын Холбоо.

Утас:  99794125, 88903404, 80059979/ facebooк хаяг : Adiya NуmbuuOocerel orgilsaihan  


“Маамуу” зохион бичлэгийн уралдаан

Хэвлэх PDF

Монгол контент                                               Хүүхдийн Төв Номын Сан

   мааму

Зорилго: Хүүхдийн хүмүүжил, танин мэдэхүй, нийгмийн харилцааны чадвар, үлгэр дууриал зэргийг хүүхдийн нүдээр харах, тэдний хүсэл мөрөөдөл, бодит түүхүүдээр монгол контент бэлтгэх

Сэдэв:  Өөрийн дуртай сэдвээр

Утга агуулга, дамжуулах санаа:

Хүүхдийн өөртөө итгэх итгэл, бусдад тавих анхаарал, хайр, хүндэтгэл, сониуч зан, шинийг эрж хайх эрмэлзлэл, хариуцлага, найрсаг харилцаа, ёс заншил, хүмүүжил, танин мэдэхүйн сэдвээс сонгон зохион бичлэг бичих.

Үгийн тоо:

Бага ангийн хүүхэд 100-150

Дунд ангийн хүүхэд 150-200

Хамрах хүрээ:

Хүүхдийн номын сангийн уншигч хүүхдүүд болон бүх бага дунд ангийн хүүхдүүд

Ангилал:

1-5 анги

6-9 анги

Хугацаа:

2017.12.11-нээс 2017.12.29 хүртэл

Шагналын сан:

Бага анги

  • I-III байр - Маамуу бэлгийн багц
  • Шагналт 5-н байр – Маамуугийн гарын бэлэг

Дунд анги

  • I-III байр - Ногун бэлгийн багц
  • Шагналт 5 байр – Ногуны гарын бэлэг

  

Уралдааны материалыг Хүүхдийн Төв Номын Сангийн Мөрөөдөл

танхимд хүлээн авна.

Зул сарын баяр

Хэвлэх PDF

2017 оны 12-р сарын 1-нд Германы Мэдээллийн Номын Сан энэ онд хамгийн их үйлчлүүлсэн идэвхтэн 40 уншигчдаа урьж “Зул сарын баяр”-аа хийлээ.

Баярын үйл ажиллагаанд Гёте-Институтийн Монгол дахь төлөөлөгчийн газрын соёлын хөтөлбөрийн ажилтан Э.Мөнгөнбаяр, сайн дурын ажилтан Бэн Рангник, Улсын филармоны 2 хөгжимчин, 38-р сургуулийн сурагч Түмэнгэрэл, Эгшиглэн нар оролцож мэндчилгээ дэвшүүллээ. 2017 оны шилдэг уншигчаар хамгийн олон удаа үйлчлүүлж, гэрээр ном авсан ШУТИС-ХШУС-ийн оюутан Эрдэнэбатын Чимэг, МУИС-ХШУС-ийн оюутан Гантөмөрийн Золжаргал, ШУТИС-ийн оюутан Чүлтэмийн Эрхбилгүүн, ХААИС-ийн оюутан Болоожийн Намсрай, АШУҮИС-ийн оюутан Энх-Амгалангийн Жаргал нарын 5 уншигч шалгарч өргөмжлөл, номын шагналын эзэд боллоо.

 

24837675 1533189610111204_8778899690335128281_o 24837566 1533191033444395_7743053446849009103_o
24785137 1533188010111364_8495111518861618249_o 24785195 1533190646777767_1464485800990453348_o
24883429 1533191073444391_6614758102956095948_o 24955538 1533190873444411_9116671606371222391_o
24879968 1533189576777874_4495132419007257176_o 24785012 1533190643444434_3304091469980969819_o
24879508 1533189693444529_4960229254069235542_o 24799289 1533189636777868_1906289542439557684_o
24785083 1533189466777885_6476048606144591268_o 24785121 1533189350111230_125381427515170379_o
24837227 1533189353444563_298635190636673113_o 24831413 1533189356777896_8766861190054748390_o
24799394 1533190903444408_1455455938124006769_o 24837259 1533190663444432_3497872441116898443_o