ХҮҮХДИЙН ТӨВ НОМЫН САН

“Жигмэд, Тогмид хоёр”-ыг 62 жил дуулжээ

Хэвлэх PDF

1515  9999

zah    hvhed

 

Хүүхдийн зохиолч Д.Содномдорж 1928 онд Хэнтий аймгийн Мөрөн суманд төржээ. Яруу найрагч, хүүхдийн зохиолч тэрээр “Пионерийн үнэн” сонины сурвалжлагч, хүүхдийн номын сангийн захирлаар олон жил ажилласан нь хүүхэд багачуудын амьдралыг судалж уран бүтээлээ туурвихад нь нөлөөлсөн хэмээн дурссан байдаг. Түүнийг орчин үеийн Монголын хүүхдийн авьяаслаг зохиолчдын нэг хэмээн тодотгосон нь бий. Д.Содномдорж хүүхдийн дуурь, дуу, жүжиг, кино зохиол олныг бичсэн юм. Тэр дундаа бага насныханд зориулсан шүлэг, найраглалыг нь багачууд андахгүй. “Навсайдамба ба түүний нөхөд” найраглал, “Аз жаргалын эрэлчин” дууны цомнол, “Чин хүсэл” хөгжимт жүжгийн зохиол, “Улаан дарцаг” уран сайхны киноны зохиол бичсэн нь Монголын хүүхдийн утга зохиолд томоохон байр суурь эзэлдэг. “Цэцэгт нугын эрвээхэй”, “Учран золгохын ерөөл”, “Олуулаа”, “Жигмэд Тогмид” хоёр зэрэг хүүхдийн дуу өдгөө ч багачуудын дуулах дуртай дуунд багтдаг.

Хүүхдийн зохиолч Д.Содномдоржийн 90 насны ой энэ жил тохиож буй. Түүний ойг тохиолдуулан Хүүхдийн төв номын сан өчигдөр өдөрлөг зохион байгуулсан юм. Өдөрлөгт сургууль, цэцэрлэгийн авьяаслаг багачууд ая дууны мэндчилгээ дэвшүүлсэн нь ахмад зохиолчдын сэтгэлийг хөдөлгөж байлаа.

…Олуулаа, олуулаа… хэмээн цангинатал дуулах хүүхдүүдийн дууг сонсч суусан их зохиолчийн гэргий Б.Баасан нүүрэндээ инээмсэглэл тодруулан алга ташиж суусан юм. Энэ үеэр Сүхбаатар дүүргийн 175 дугаар цэцэрлэгийн Туяа багштай “Бэлтгэл” бүлгийн бяцхан авьяастнууд “Жигмэд, Тогмид хоёр” дууг цангинатал дуулж, үзүүлбэр үзүүлсэн нь өхөөрдөм. Өдөрлөгийг нээж Хүүхдийн төв номын сангийн захирал Д.Оюунбилэг “Манай байгууллага хүүхдийн зохиолчдынхоо уран бүтээлийг олон нийтэд сурталчлах ажлуудыг зохион байгуулдаг. Энэ удаа хүүхдийн зохиол Д.Содномдорж гуайн 90 насны ойг тохиолдуулан түүний охин Цэцгээ хамтарч ажилласны дуулгахад таатай байна. Мөн өдөрлөгт хүрэлцэн ирсэн та бүхэндээ амжилтын дээдийг хүсье” гэлээ.

Д.Содномдорж зохиолчийн “Жигмэд, Тогмид хоёр” дуу нь 62 дахь жилээ дуулагдаж байгаа бол алдарт “Норовын намтар” тууж зохиогдоод хагас зуун жил болсныг зохиолчийн охин онцолсон юм. Д.Содномдорж гуайн шүлгүүд хүүхдүүдэд тун ойр байдаг. Яагаад гэвэл тэрээр хүүхдийн цэцэрлэг дээр өнжиж, тэднийг ажигласан судалгаан дээр гайхалтай сайхан шүлгүүдээ туурвисан ажээ.

 

Барилгачин Баяраа

Баяраа ойрдоо
Ажил ихтэй
Байшин бариад
Амралт багатай
Өглөө босоод
Өрж гарна
Өндөр намаар
Барьж эхэлнэ
Уран барилга
Угсран өрөхөд
Ухаан зарах
Урамтай ажил
Хүүхдийн цэцэрлэг
Хүнсний дэлгүүр
Хүн эмнэлэг
Хүүхэлдэйн театр
Баяраа үүнийг
Барьсан юм
Багахан энэ хотыг
Байгуулсан юм

Эх сурвалж: www.polit.mn

Монголын хүүхдийн зохиолчдын гар бичмэлийн "Утгын оньс" танхим нээгдлээ

Хэвлэх PDF

IMG 2044[1]

 Боловсрол, соёл, шинжлэх ухаан, спортын яамны Соёл, урлагийг дэмжих сангийн санхүүжилтээр Хүүхдийн төв номын санд “Бахархлын танхим”-ыг 10 дугаар сарын 3-ны өдөр нээлээ.   Бахархлын танхимын “Утгын оньс” хэмээх гар бичмэлийн хэсэгт Монгол Улсын Хөдөлмөрийн баатар Л.Түдэв, Хүүхдийн нэрт зохиолч Д.Содномдаржаа, Монгол Улсын Соёлын гавьяат зүтгэлтэн Д.Гармаа, Ж.Дашдондог, Д.Давааням, Б.Нацагдорж, Д.Нацагдоржийн нэрэмжит шагналт, хүүхдийн зохиолч Ш.Бадарч, О.Сундуй, Д.Батжаргал, Н.Мандал, Монголын зохиолчдын эвлэлийн шагналт, хүүхдийн зохиолч Г.Ганболд, Г.Баатарнум, Бат.Лхагвасүрэн, М.Доржсүрэн, Л.Самбуу зэрэг хүүхдийн зохиолчдын  гар бичмэл, бичгийн машин, намтрын товчоон, фото зураг зэрэг сонирхолтой эд өлгийн зүйл тавигдсан нь олны сонирхолыг татаж байна.

IMG 2037[1]

 

  Уг танхим нь хүүхдийн зохиолчдын зохиол бүтээлийн баримтат өвийг бүрдүүлж, хүүхэд багачууд, олон нийтэд сурталчилан таниулах, улмаар эрдэм шинжилгээ, судалгааны эргэлтэд оруулах зорилготой  бөгөөд цаашид Хүүхдийн төв номын сангийн хамт олон  хүүхдийн зохиолчидтой хамтран танхимын  өвийг баяжуулж ажиллана

Хүүхдийн төв номын сан “Утгын оньс‘’ танхимтай боллоо

Хэвлэх PDF

Image (268)

Зарлал

Хэвлэх PDF

2018 оны 9-р сарын 28-нд Соёлын Төв Өргөөний халаалт тавигдах үед 3- р давхрын дулааны халаагуур задарч эвдэрснээс Герман танхимын таазнаас их хэмжээгээр ус алдаж, цахилгаан тасарсан тул хэвийн үйл ажиллагаатай болох хүртэл тодорхойгүй хугацаагаар танхимын үйлчилгээг зогсоох болсоныг мэдэгдье.

Жич: Зөвхөн гэрээр олгосон номыг буцаан авна.
Германы Мэдээллийн Номын Сан

Германы Мэдээллийн Номын Сангийн 15 жил

Хэвлэх PDF

 

Хүүхдийн Төв Номын Сан дахь Герман уншлагын танхимын 15 жилийн ойг 9-р сарын 19-нд тэмдэглэн өнгөрүүллээ.
Ойн үйл ажиллагааны үеэр Герман улсаас ирсэн мэргэжилтэн Ута Шнайдерын “Германы номын дизайны орчин үеийн чиг хандлага, хөгжил” сургалтын сертификат, Германы Мэдээллийн Номын Сангийн 15 шилдэг уншигчдад номын бэлэг гардуулах ёслол болж Улаанбаатар дахь Гёте Хөгжмийн танхимын уран бүтээлчид мэндчилгээ дэвшүүллээ.
Тус ойн хүрээнд судлаачдад болон нийтэд дэлгэн үзүүлэхээр “Монгол Улсын Үндэсний Номын Сан дахь герман хэлээр хэвлэгдсэн монгол судлалын номын дээжээс ” үзэсгэлэнг гаргалаа.
Мөн Гёте-Институтийн орчуулгыг дэмжих хөтөлбөрийн хүрээнд герман хэлнээс монгол хэл рүү орчуулагдсан ном, танхимын сан хөмрөг дэх хүүхдийн болон германы уран зохиол, монголын тухай герман хэл дээрх номын дээжээр тус тус үзэсгэлэн гарав. 

56 11
34 66