Мэдээ, мэдээлэл

“Жигмэд, Тогмид хоёр”-ыг 62 жил дуулжээ

Хэвлэх PDF

1515  9999

zah    hvhed

 

Хүүхдийн зохиолч Д.Содномдорж 1928 онд Хэнтий аймгийн Мөрөн суманд төржээ. Яруу найрагч, хүүхдийн зохиолч тэрээр “Пионерийн үнэн” сонины сурвалжлагч, хүүхдийн номын сангийн захирлаар олон жил ажилласан нь хүүхэд багачуудын амьдралыг судалж уран бүтээлээ туурвихад нь нөлөөлсөн хэмээн дурссан байдаг. Түүнийг орчин үеийн Монголын хүүхдийн авьяаслаг зохиолчдын нэг хэмээн тодотгосон нь бий. Д.Содномдорж хүүхдийн дуурь, дуу, жүжиг, кино зохиол олныг бичсэн юм. Тэр дундаа бага насныханд зориулсан шүлэг, найраглалыг нь багачууд андахгүй. “Навсайдамба ба түүний нөхөд” найраглал, “Аз жаргалын эрэлчин” дууны цомнол, “Чин хүсэл” хөгжимт жүжгийн зохиол, “Улаан дарцаг” уран сайхны киноны зохиол бичсэн нь Монголын хүүхдийн утга зохиолд томоохон байр суурь эзэлдэг. “Цэцэгт нугын эрвээхэй”, “Учран золгохын ерөөл”, “Олуулаа”, “Жигмэд Тогмид” хоёр зэрэг хүүхдийн дуу өдгөө ч багачуудын дуулах дуртай дуунд багтдаг.

Хүүхдийн зохиолч Д.Содномдоржийн 90 насны ой энэ жил тохиож буй. Түүний ойг тохиолдуулан Хүүхдийн төв номын сан өчигдөр өдөрлөг зохион байгуулсан юм. Өдөрлөгт сургууль, цэцэрлэгийн авьяаслаг багачууд ая дууны мэндчилгээ дэвшүүлсэн нь ахмад зохиолчдын сэтгэлийг хөдөлгөж байлаа.

…Олуулаа, олуулаа… хэмээн цангинатал дуулах хүүхдүүдийн дууг сонсч суусан их зохиолчийн гэргий Б.Баасан нүүрэндээ инээмсэглэл тодруулан алга ташиж суусан юм. Энэ үеэр Сүхбаатар дүүргийн 175 дугаар цэцэрлэгийн Туяа багштай “Бэлтгэл” бүлгийн бяцхан авьяастнууд “Жигмэд, Тогмид хоёр” дууг цангинатал дуулж, үзүүлбэр үзүүлсэн нь өхөөрдөм. Өдөрлөгийг нээж Хүүхдийн төв номын сангийн захирал Д.Оюунбилэг “Манай байгууллага хүүхдийн зохиолчдынхоо уран бүтээлийг олон нийтэд сурталчлах ажлуудыг зохион байгуулдаг. Энэ удаа хүүхдийн зохиол Д.Содномдорж гуайн 90 насны ойг тохиолдуулан түүний охин Цэцгээ хамтарч ажилласны дуулгахад таатай байна. Мөн өдөрлөгт хүрэлцэн ирсэн та бүхэндээ амжилтын дээдийг хүсье” гэлээ.

Д.Содномдорж зохиолчийн “Жигмэд, Тогмид хоёр” дуу нь 62 дахь жилээ дуулагдаж байгаа бол алдарт “Норовын намтар” тууж зохиогдоод хагас зуун жил болсныг зохиолчийн охин онцолсон юм. Д.Содномдорж гуайн шүлгүүд хүүхдүүдэд тун ойр байдаг. Яагаад гэвэл тэрээр хүүхдийн цэцэрлэг дээр өнжиж, тэднийг ажигласан судалгаан дээр гайхалтай сайхан шүлгүүдээ туурвисан ажээ.

 

Барилгачин Баяраа

Баяраа ойрдоо
Ажил ихтэй
Байшин бариад
Амралт багатай
Өглөө босоод
Өрж гарна
Өндөр намаар
Барьж эхэлнэ
Уран барилга
Угсран өрөхөд
Ухаан зарах
Урамтай ажил
Хүүхдийн цэцэрлэг
Хүнсний дэлгүүр
Хүн эмнэлэг
Хүүхэлдэйн театр
Баяраа үүнийг
Барьсан юм
Багахан энэ хотыг
Байгуулсан юм

Эх сурвалж: www.polit.mn

Германы Мэдээллийн Номын Сангийн 15 жил

Хэвлэх PDF

 

Хүүхдийн Төв Номын Сан дахь Герман уншлагын танхимын 15 жилийн ойг 9-р сарын 19-нд тэмдэглэн өнгөрүүллээ.
Ойн үйл ажиллагааны үеэр Герман улсаас ирсэн мэргэжилтэн Ута Шнайдерын “Германы номын дизайны орчин үеийн чиг хандлага, хөгжил” сургалтын сертификат, Германы Мэдээллийн Номын Сангийн 15 шилдэг уншигчдад номын бэлэг гардуулах ёслол болж Улаанбаатар дахь Гёте Хөгжмийн танхимын уран бүтээлчид мэндчилгээ дэвшүүллээ.
Тус ойн хүрээнд судлаачдад болон нийтэд дэлгэн үзүүлэхээр “Монгол Улсын Үндэсний Номын Сан дахь герман хэлээр хэвлэгдсэн монгол судлалын номын дээжээс ” үзэсгэлэнг гаргалаа.
Мөн Гёте-Институтийн орчуулгыг дэмжих хөтөлбөрийн хүрээнд герман хэлнээс монгол хэл рүү орчуулагдсан ном, танхимын сан хөмрөг дэх хүүхдийн болон германы уран зохиол, монголын тухай герман хэл дээрх номын дээжээр тус тус үзэсгэлэн гарав. 

56 11
34 66

Үндэсний номын баяр 2018 хөтөлбөр

Хэвлэх PDF

shine fb 5

“НАХИА” хөтөлбөрийн ном гардуулах үйл ажиллагаа боллоо.

Хэвлэх PDF

 

Хятад, Өвөрмонголын соёл, аялал жуулчлалын өдрийн хүрээнд  өнөөдөр Хүүхдийн Төв номын санд  “Нахиа” хөтөлбөрийн ном бэлэглэх ёслолын үйл ажиллагаа боллоо.

 Тус  хөтөлбөрийн хүрээнд 2015 онд “Амьтдын ёгт үлгэр” 10 цуврал, 2017 онд Дэлхийн болон Дундад улсын үлгэр 40 цуврал номыг  хот хөдөө орон нутгийн 1200 номын санд хандивласан байна. Энэ удаа Хятадын алдарт зохиолч Шэнь Ши Сигийн  “Дундад улсын одоо үеийн амьтдын үлгэр” 10 цуврал  1200 багц номыг  нийтийн болон ЕБС-ийн номын сангуудад хүлээлгэн өглөө. Шэнь Ши Сигийн зохиолууд нь  амьтдын үйл явдлаар төлөөлүүлэн хүний амьдралын олон талыг маш эвлэгхэн, ойлгомжтой  илэрхийлдэгээрээ онцлогтой ажээ.

 Ном гардуулах үйл ажиллагаанд  БСШУСЯ-ны Соёл урлагийн бодлогын газрын дарга Б.Сэргэлэн,  БСШУСЯ-ны  Гадаад хамтын ажиллагааны хэлтсийн дарга  Т.Ууганбаяр,  Хятадын төрийн зөвлөлийн хэвлэл мэдээллийн албаны дэд газрын дарга Лин Лиг, ӨМӨЗО-ны  сонин мэдээ, ном хэвлэл, радио телевиз киноны  товчооны дарга Мөрөн  зэрэг  эрхмүүд хүрэлцэж ирж  хот, аймгийн номын сан, уншигч хүүхдүүдэд номын дээжсээс гардуулсан юм.  

fb webbbee

ХЯТАД ОРНЫГ ТАНИН МЭДЭХ БНХАУ-ЫН ӨВӨР МОНГОЛЫН СОЁЛ АЯЛАЛ ЖУУЛЧЛАЛЫН ӨДРҮҮД “НАХИА” ХӨТӨЛБӨР ХЯТАД МОНГОЛЫН НОМ ХЭВЛЭЛИЙН СОЛИЛЦОО ХАМТЫН АЖИЛЛАГААНЫ НОМЫН ҮЗЭСГЭЛЭН , НОМ БЭЛЭГЛЭХ ЁСЛОЛ ХҮҮХДИЙН ТӨВ НОМЫН САН ДЭЭР ЗОХИОН БАЙГУУЛАГДАЛАА.

Хэвлэх PDF

4 6
web 7
5 2
8 1